3130395 b90de

3130395 b90de

ઘરઘાટી, નોકર, રસોઇયા, વોચમેન, માળીની 

સીટીઝન પોર્ટલ/ સિટીઝન ફર્સ્ટ એપ્લિકેશન મારફત ઓનલાઈન નોંધણી કરાવવા સૂચના

રાજકોટ શહેરમાં રહેણાંક વિસ્‍તારના મકાનો/બંગલાઓમાં કામ કરતા ઘરઘાટી, નોકર, ડ્રાઇવર, રસોઇયા, વોચમેન, માળી વગેરે દ્વારા થતા મિલ્‍કત સબંધી તેમજ શરીર સબંધીના ગંભીર ગુન્‍હાઓ અટકાવવા માટે રાજકોટ શહેર પોલિસ કમિશ્નરશ્રી રાજુ ભાર્ગવે આદેશો જારી કર્યા છે. જે મુજબ કોઈ ઔદ્યોગિક એકમો/મકાનો/બંગલા/દુકાનો/કારખાનાઓ/મકાન બાંધકામ બિલ્ડર્સ/ ટેક્ષટાઈલ ઉદ્યોગ/હીરા ઉદ્યોગ સાથે સંકળાયેલ તમામ પ્રાઇવેટ સેકટરોના માલિક /ઓનલાઈન સર્વિસ પ્રોવાઈડરો/મેનેજમેન્ટ સ્ટાફ કે જેઓના યુનિટમાં કામ કરતા ઘરઘાટી, નોકર, ડ્રાઈવર, રસોઈયા, વોચમેન, માળી કર્મચારી, કારીગરો મજુરો કે જે હાલમાં કામ પર છે તેવા તેમજ કામ ઉપર રાખવામાં આવનાર કાયમી, હંગામી, રોજીંદા કે કોન્ટ્રાકટના કર્મચારી/કારીગરો/મજુરો નોકરોની માહિતી/ હકીકત અંગેની તમામ નોંધણી સીટીઝન પોર્ટલ વેબસાઈટ (www.gujhome.gujarat.gov.in)  અથવા સીટીઝન ફર્સ્ટ એન્ડ્રોઈડ એપ્લીકેશન મારફતે ઓનલાઈન નોંધણી કરાવવાની રહેશે. તેમજ જે તે વિસ્તારનાં પોલીસ સ્ટેશનને આ માહિતી આપવાની રહેશે. 

આ ઉપરાંત રજુ કરવાની માહિતી સાથે મકાન માલીકનો તથા નોકરી પર રાખેલ નોકર/વોચમેનના પાસપોર્ટ સાઇઝના ફોટોગ્રાફ, સાથે મકાન માલીકનું નામ તથા સરનામું, ટેલિફોન નંબર તથા મોબાઇલ નંબર, કામે રાખેલ નોકરનું પુરુ નામ તથા ઓળખ ચિન્‍હો, હાલનું પુરુ સરનામું તથા મોબાઇલ નંબર, કામે રાખેલ નોકરના મુળ વતનનું સરનામું તથા મોબાઇલ નંબર, નોકરને નોકરી પર રાખ્‍યા તારીખ, જેની ભલામણથી/ઓળખાણથી નોકરીએ રાખેલ છે ? તે સ્‍થાનિક રહીશનું પુરુ નામ, સરનામું તથા મોબાઇલ નંબર, નોકરના બે થી ત્રણ સગાસબંધીના નામ તથા સરનામા અને મોબાઇલ નંબર તથા વોચમેન હથિયાર ધરાવતાં હોય તો તેના હથિયાર લાઇસન્‍સની વિગત તથા માન્‍ય એરીયા તથા રીન્‍યુ તારીખની વિગતો પણ આપવાની રહેશે. ૧ માર્ચ થી ૩૦ એપ્રિલ ૨૦૨૪ સુઘી અમલી રહેનારા આ હુકમનો ભંગ કરનાર શિક્ષાને પાત્ર થશે.

About The Author

Spread the love

Leave a Reply

Your email address will not be published. Required fields are marked *