Robert Vadra Amethi Elections: કોંગ્રેસ મહાસચિવ પ્રિયંકા ગાંધી વાડ્રાના પતિ અને બિઝનેસમેન રોબર્ટ વાડ્રાએ એક ખાસ વાતચીતમાં અમેઠીથી ચૂંટણી લડવા સહિત વિવિધ મુદ્દાઓ પર અનેક સવાલોના જવાબ આપ્યા હતા. અમેઠીથી ચૂંટણી લડવાના સવાલના જવાબમાં રોબર્ટ વાડ્રાએ કહ્યું કે, માત્ર અમેઠીથી જ નહીં પરંતુ સમગ્ર દેશમાંથી લોકો કહી રહ્યા છે કે મારે સક્રિય રાજકારણમાં આવવું જોઈએ. અમેઠીથી આ વાત વધુ ઉઠી રહી છે તેનું કારણ છે કે, મેં 1999થી ત્યાંના લોકો વચ્ચે પ્રચાર કર્યો હતો અને ત્યાં પોસ્ટર પણ લાગવાના શરૂ થયા. હવે અન્ય સ્થળોએ પણ પોસ્ટર લાગી રહ્યા છે કારણ કે દરેકને લાગે છે કે તમે અમારી બાજુથી આવો, અમારા વિસ્તારમાંથી આવો કારણ કે અમે તમારી મહેનત જોઈ છે. તમે ગાંધી પરિવારના સભ્ય છો.
હું કોઈને પડકારવા માટે નહીં લડીશ: વાડ્રા
વાડ્રાએ કહ્યું કે, લોકોએ જોયું છે કે ગાંધી પરિવારે આ દેશ માટે કેટલું કર્યું છે, કરતા આવ્યા છે અને કરતા રહેશે. તેમને લાગ્યું કે જો હું આ ચૂંટણીમાં અમેઠીથી ચૂંટણી લડીશ તો ત્યાં તેમણે જે ભૂલો કરી છે. સ્મૃતિ ઈરાનીને સાંસદ બનાવવાની જે ભૂલ કરી છે તેનાથી તેઓ આગળ વધશે અને મને પ્રચંડ બહુમતીથી જીતાડશે. પરંતુ હું કોઈને પડકારવા માટે નહીં લડીશ. જોકે, સંસદમાં સ્મૃતિ ઈરાનીએ મારા નામનો દુરુપયોગ કર્યો હતો અને પાયાવિહોણા આરોપો લગાવ્યા હતા. તેઓ એક મહિલા છે અને હું તેમનું સન્માન કરું છું પરંતુ જો કોઈ આવા આરોપો કરે છે તો સાબિત કરવું ખૂબ જ જરૂરી છે.
વાડ્રાએ આગળ કહ્યું કે અમેઠીના લોકોને લાગ્યું કે જો હું રાજકારણમાં આવીશ તો હું તેમને તેમના જ લેવલે જવાબ આપી શકીશ. મારી મહેનત ચાલુ છે અને ભવિષ્યમાં જો લોકોને લાગે કે હું પરિવર્તન લાવી શકીશ અને કોંગ્રેસને લાગશે કે મારે આવવું જોઈએ, મારા પરિવારના આશીર્વાદ હશે તો હું ચોક્કસ સક્રિય રાજકારણમાં આવીશ.
બીજી તરફ રાહુલ ગંધીના વાયનાડની સાથે અમેઠી અથવા રાયબરેલીથી ચૂંટણી લડવા અંગેના સવાલ પર વાડ્રાએ કહ્યું કે, જો કોંગ્રેસ પાર્ટીને લાગે છે કે હું સક્ષમ છું અથવા પરિવર્તન લાવી શકું છું, જે લોકો ઈચ્છે છે અને જોઈ છે કે, હું જ્યાં પણ રહીશ અને જે પણ ક્ષેત્રનું પ્રતિનિધિત્વ કરીશ તેમાં પરિવર્તન આવશે અને જરૂર એક સેક્યુલર એરિયો રહેશે. જે બેરોજગારીના મુદ્દો છે, મહિલાઓની સુરક્ષા હોય કે દેશમાં જ્યારે પણ આવો કોઈ મુદ્દો આવે ત્યારે હું ચોક્કસપણે લોકોની વચ્ચે જઈને તેમનો અવાજ ઉઠાવું છું. પોતાના સોશિયલ મીડિયા દ્વારા લોકો સુધી પહોંચું છું અથવા હું મારા ધાર્મિક પ્રવાસો અથવા ચેરિટી ટુર જે દેશભરમાં કરું છું તેમાં જઈને લોકો સાથે મુલાકાત કરું છું.
મારે રાજકારણમાં રહેવાની નહીં પરંતુ લોકોની વચ્ચે રહેવાની જરૂર છે: વાડ્રા
આવી સ્થિતિમાં તેમણે કહ્યું કે, જો રાહુલને લાગે છે કે વાયનાડ પછી તેમણે અમેઠીથી આવવું જોઈએ તો હું તેમને અભિનંદન આપું છું અને ખુશ છું કે તેઓ ફરી એકવાર અમેઠીથી સાંસદ બને, હું તેમની સાથે પ્રચારમાં રહીશ અને અમેઠી જ નહીં આખા દેશમાં રહીશ. એટલું જ નહીં ભવિષ્યમાં પણ ઘણી ચૂંટણીઓ થવાની છે. મારે રાજકારણમાં રહેવાની નહીં પરંતુ લોકોની વચ્ચે રહેવાની જરૂર છે. જો ક્યારેય રાહુલ અથવા પ્રિયંકાને ન મળી શકે તો તેઓ મને મળે છે અને તેમના વિચારો શેર કરે છે અને હું મારા પરિવારને તેમના વિશે કહું છું. આવી સ્થિતિમાં પરિવારનો સભ્ય હોવાને કારણે, હું ચોક્કસપણે સખત મહેનત કરું છું, લોકોને મળું છું અને તેમની વાત આગળ સુધી લઈ જાઉં છું.
I.N.D.I.A. ગઠબંધન દ્વારા રાહુલ ગાંધીને વડાપ્રધાન પદના ઉમેદવાર તરીકે રજૂ ન કરવાના સવાલ જવાબમાં રોબર્ટ વાડ્રાએ કહ્યું કે, લોકો તેમને પ્રેમ કરે છે અને તેમની મહેનતને સમજી રહ્યા છે. એવો કોઈ નેતા નહીં હોય જે કન્યાકુમારીથી કાશ્મીર સુધી પહોંચ્યો હોય. ત્યારબાદ તેમણે ન્યાય યાત્રા પણ કરી જે આખા દેશે જોયું કે તેમણે કેટલી મહેનત કરી અને હું પોતે પણ તેમની સાથે તેમની યાત્રામાં હતો. જ્યાં મેં જોયું કે લોકો તેમની સાથે ખૂબ જ પ્રેમથી મળી રહ્યા છે. રાહુલ તેમની સમસ્યાઓને સમજતા હતા અને આ કોઈ પ્રચાર નહોતો, લોકોને મળવાની તેમને જરૂર લાગી અને તેમણે મહેનત કરી લોકો સાથે મુલાકાત કરી અને તેમની પીડાને સમજી.
હું I.N.D.I.A. ગઠબંધનનો પ્રવક્તા નથી: વાડ્રા
તેમણે આગળ કહ્યું કે, તે નિશ્ચિતપણે પોતાની મહેનતથી દેશમાં વધુ પ્રગતિ લાવશે. જે ગઠબંધન બન્યુ છે તે ખૂબ જ બુદ્ધિશાળી લોકો સાથે બન્યુ છે. આ જ ગઠબંધન છે જેનાથી મને લાગે છે કે દેશમાં જે પરિવર્તનની જરૂર છે તે લઈને આવશે અને આ મારો પોતાનો અનુભવ છે. હું કોઈ I.N.D.I.A. ગઠબંધનનો પ્રવક્તા નથી પરંતુ આ મારો અનુભવ છે. હું ઘણા લોકો સાથે મુલાકાત કરું છું ઓફિસની બહાર અને ઘરની બહાર ઘણા લોકો આવે છે અને મને તેમની પીડા અને સમસ્યાઓ કહે છે. તેનાથી મારો અનુભવ છે કે, લોકોને પરિવર્તન જોઈએ.
